Стоїт ми, стоїт світлонька нова. Гей, дай, Боже! А в тій світлоньці, гей, газдиненька. Гей, дай, Боже! Гей, газдиненька на ім'я Анна. Гей, дай, Боже! Вна собі ходит, з челядою говорит. Гей, дай, Боже! З челядю говорит, в квартирку сє дивит. Гей, дай, Боже! Дивит сє, дивит в чистоє поле. Гей, дай, Боже! В чистоє поле, під темний лісок. Гей, дай, Боже! Ой вісмотріла дивноє звіря. Гей, дай, Боже! Дивноє звіря, тура-оленя. Гей, дай, Боже! На головці ж 'му дев'ять рожечків. Гей, дай, Боже! Ой крикнула ж вна на свої слуги. Гей, дай, Боже! - Служеньки мої найвірнішії! Гей, дай, Боже! Беріт же собі шовкові сіти. Гей, дай, Боже! Другі заберіт ясненькі стріли. Гей, дай, Боже! Ой виходіте в чистоє поле. Гей, дай, Боже! В чистоє поле, під темний лісок. Гей, дай, Боже! Єдні ж завержте шовкові сіти. Гей, дай, Боже! Другі застрійте яснії стріли. Гей, дай, Боже! Чей спіймаєте дивнеє звіря. Гей, дай, Боже! Дивноє звіря, тура-оленя. Гей, дай, Боже! Як спіймаєте, відразу вб'єте. Гей, дай, Боже! Відразу вб'єте, роги зщибете. Гей, дай, Боже! Роги зщибете, шубу здоймете. Гей, дай, Боже! Ой принесете та повісите. Гей, дай, Боже! Та повісите в новій світлоньці. Гей, дай, Боже! В новій світлоньці та на стіноньці. Гей, дай, Боже! Все ж тото буде, гей, газдиноньці. Гей, дай, Боже! Гей, газдиноньці на ім'я Анні. Гей, дай, Боже!