Як я собі в нашім селі заспівам, Вшитких хлопців до роботи позберам. Позберам вшитких хлопців до нашого села - Затим селом все ня болит голова. Не лем хлопців, але й вшитки дівчата, Бо на поли юж робота зачата. Співают дівчата із нашого села - За тим селом все ня болит голова. Як я собі на весілю заспівам, Вшитких гостей до співання позберам. Весіля, весіля, на Петра, на Михала - По весілю все ня болит голова. А, як буду у далекій стороні, То заплачу, то затужу в чужині. До свойого села, де родина моя - За тим селом все ня болит голова.